मधेश प्रदेशले नयाँ मुख्यमन्त्री पाएको छ। जनता समाजवादी पार्टी (जसपा) नेपालका संसदीय दलका नेता सरोजकुमार यादव मुख्यमन्त्रीमा नियुक्त भएका छन्।
प्रदेश प्रमुखको कार्यालयले शनिबार विज्ञप्ति जारी गर्दै यादवलाई मुख्यमन्त्री नियुक्त गरिएको जानकारी दिएको हो। नेपालको संविधानको धारा १६८ को उपधारा (३) अनुसार उनलाई प्रदेश सरकारको नेतृत्वको जिम्मेवारी दिइएको हो।
यसअघि प्रदेश प्रमुखले संविधानको धारा १६८ (२) अनुसार दुई वा दुईभन्दा बढी दलको समर्थनमा बहुमत जुटाउन सक्ने प्रदेशसभा सदस्यलाई मुख्यमन्त्रीमा दाबी पेस गर्न आह्वान गरेका थिए। त्यसका लागि शुक्रबार दिउँसो ४ बजेसम्मको समयसीमा तोकिएको थियो।
तर निर्धारित समयभित्र कुनै पनि दल वा प्रदेशसभा सदस्यले बहुमतसहित सरकार गठनका लागि दाबी पेस गर्न सकेनन्। त्यसपछि संविधानको अर्को व्यवस्थाअनुसार प्रदेशसभामा सबैभन्दा ठूलो दल रहेको जसपा नेपालका संसदीय दलका नेता यादवलाई मुख्यमन्त्री नियुक्त गरिएको प्रदेश प्रमुखको कार्यालयले जनाएको छ।
नयाँ मुख्यमन्त्रीको नियुक्तिसँगै मधेश प्रदेशमा सरकार गठनका लागि जारी राजनीतिक प्रक्रिया नयाँ चरणमा प्रवेश गरेको छ।










मधेशका मुख्यमन्त्री कृष्णप्रसाद यादवले कात्तिक २८ गते विश्वासको मत लिने
सरकारको कार्यशैलीप्रति प्रचण्डको असन्तुष्टि, भने– हिन्दी जासुसी फिल्मजस्तै अनिश्चित
मधेश प्रदेश सरकारबाट बाहिरियो नेकपा, चारै मन्त्रीले दिए सामूहिक राजीनामा
सरकार र पार्टीबीच कुनै अन्तरद्वन्द्व छैन : रवि लामिछाने
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन