पटका पड्काउँदा जीतपुरसिमराका १६ वर्षीय किशोर घाइते

बाराको जीतपुरसिमरा उपमहानगरपालिकामा पटका पड्काउने क्रममा आगोले जलेर एक किशोर घाइते भएका छन्।

जीतपुरसिमरा उपमहानगरपालिका–६ घुसुकपुर टेंढाका १६ वर्षीय अफ्ताब मियाँ देवान शनिबार राति आफ्नै घरको आँगनमा पटका पड्काउने क्रममा घाइते भएका हुन्।

राति करिब साढे १० बजे पटका पड्काउँदा आगो लागेर उनको शरीरका विभिन्न भाग जलेको प्रहरीले जनाएको छ। घटनामा उनको दुवै तिघ्रालगायतका भागमा चोट लागेको छ।

घाइते देवानलाई उपचारका लागि वीरगन्जस्थित नारायणी अस्पताल लगिएको बारा प्रहरीले जनाएको छ।