बारा । नेपाली कांग्रेस पचरौता नगर समितिले दीपावली, नेपाल संवत् तथा छठ पर्वको अवसरमा शुभकामना आदान–प्रदान कार्यक्रम सम्पन्न गरेको छ। नगर सभापति इनजाद अन्सारीको अध्यक्षतामा आयोजित कार्यक्रममा पार्टीका नेता, कार्यकर्ता तथा शुभेच्छुकहरूको सहभागिता रहेको थियो।
कार्यक्रममा नेपाली कांग्रेस बारा जिल्ला सचिव राजेश रौनियारले पार्टी संगठनलाई सुदृढ बनाउँदै जनताका समस्या र आवश्यकतालाई प्राथमिकतामा राखेर अघि बढ्नुपर्ने बताए। उनले स्थानीय तहमा जनतासँग प्रत्यक्ष जोडिएर सामाजिक गतिविधि तथा विकास निर्माणका कामलाई प्रभावकारी बनाउनुपर्नेमा जोड दिए।
त्यसैगरी, नेपाली कांग्रेस बारा जिल्ला सहसचिव प्रमोद यादवसहित सहभागी वक्ताहरूले दीपावली, नेपाल संवत् र छठ पर्वले सामाजिक सद्भाव, एकता तथा भाइचारा अभिवृद्धि गर्ने विश्वास व्यक्त गरे। उनीहरूले पर्वका अवसरमा पचरौता नगरवासी, बारा जिल्लावासी तथा देश–विदेशमा रहेका नेपालीहरूमा सुख, शान्ति, समृद्धि र सुस्वास्थ्यको कामना गरे।
कार्यक्रममा नगर समितिका पदाधिकारी, विभिन्न वडाका प्रतिनिधि, नेता–कार्यकर्ता तथा स्थानीयवासीहरूको उपस्थिति रहेको थियो। सहभागीहरूले पर्वलाई आपसी सद्भाव र मेलमिलापका साथ मनाउँदै जनताको हकहित तथा विकासका सवालमा सक्रिय रहने प्रतिबद्धता व्यक्त गरे।











मधेशका मुख्यमन्त्री कृष्णप्रसाद यादवले कात्तिक २८ गते विश्वासको मत लिने
सरकारको कार्यशैलीप्रति प्रचण्डको असन्तुष्टि, भने– हिन्दी जासुसी फिल्मजस्तै अनिश्चित
मधेश प्रदेश सरकारबाट बाहिरियो नेकपा, चारै मन्त्रीले दिए सामूहिक राजीनामा
सरकार र पार्टीबीच कुनै अन्तरद्वन्द्व छैन : रवि लामिछाने
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन