स्कटल्यान्डमा जारी त्रिदेशीय टी२० क्रिकेट शृङ्खलाअन्तर्गत आफ्नो दोस्रो खेलमा नेपालले स्कटल्यान्डलाई २ विकेटले पराजित गरेको छ ।
टस जितेर फील्डिङ रोजेको नेपालले घरेलु टोलीलाई ९७ रनमा अलआउट गरी ९८ रनको तुलनात्मक रूपमा सहज लक्ष्य पछ्याएको थियो।
नेपालका लागि सन्दीप लामिछानेले ४ तथा करण केसीले २ विकेट लिएका थिए।
नेपालका लागि ओपनर कुशल भुर्तेल (३० रन) बाहेक कसैले पनि उल्लेख्य योगदान गर्न सकेनन्। अनि नेपालले ८ विकेट गुमाएर अन्तिम ओभरमा मात्र लक्ष्य पूरा गर्यो।
शृङ्खलाको पहिलो खेलमा आइतवार नेदरल्यान्ड्स स्कटल्यान्डसँग हारेको थियो। सोमवारको खेलमा तेहरो सूपरओभर खेल्दा नेपाल नेदरल्यान्ड्ससँग हारेको थियो।
