Accident News

विराटनगरमा मोटरसाइकलको ठक्करबाट एक वृद्धाको मृत्यु भएको छ । विराटनगर महानगरपालिका–१५ झमेली चोकमा मे ७ प ६३३२ नम्बरको मोटरसाइकलको ठक्करबाट पैदल यात्री विराटनगर–१५ की ६५ वर्षीया विखियादेवी साहको मृत्यु भएको प्रहरीले जनाएको छ ।

दुर्घटनामा परेर गम्भीर घाइते साहको उपचारका क्रममा न्युरो अस्पताल विराटनगरमा सोमबार राति १० बजे मृत्यु भएको मोरङ ट्राफिक प्रमुख प्रहरी निरीक्षक राकेशकुमार पोदारले जानकारी दिए । मोटरसाइकल चालक मोरङको रतुवामाई नगरपालिका–७ का २२ वर्षीय विक्रम साहलाई प्रहरीले नियन्त्रणमा लिएको छ ।