देशका केही भागमा हावाहुरी सहित भारी वार्षाको सम्भावना छ, सर्तक रहनोस् : मौसमविद्

शक्तिशाली चक्रवात (यास्)को प्रभावले चार दिन देखि लगातार वार्षा भइराखेकोले आवश्यक सर्तकता अपनाउन मौसम पूर्वानुमान महाशाखाले जनाएको छ ।

महाशाखाको अनुसार चक्रवात पश्चिमउत्तर–पश्चिम सर्ने क्रममा कमजोर भई हाल न्यून चापीय क्षेत्रको रुपमा परिणत भएको छ। उक्त न्यून चापीय क्षेत्रको असर शनिबारबाट कम हुँदै जाने क्रममा रहेको जनाएको छ । त्यस पछि न्यून चापीय क्षेत्रको रूपमा नेपालको दक्षिण तर्फ रहने र केही स्थानहरुमा भारी वर्षाको सम्भावना भएकोले आवश्यक सतर्कता अपनाउनु हुन अनुरोध गरेको छ ।

देशका केही स्थानहरूमा मेघगर्जन, चट्याङ्ग र हावाहुरी सहित हल्का देखि मध्यम वर्षा को सम्भावना रहेको महाशाखाले बताएको छ। प्रदेश २, बागमती, गण्डकी र लुम्बिनी प्रदेशका केही स्थानहरुमा भारी वर्षाको सम्भावना रहेकाले लामो समयावधि वर्षा भैसकेपछि हुने धेरै असरहरु हिलोबाटो, हिले भीरपाखा ,अवरुद्ध यातायात र संचार ,पहिरो, बाढी, जमिन कटानबाट आवश्यक सतर्कता अपनाउन हुन अनुरोध गरेको छ।

यस्तो तीन दिनको मौमस पूर्वानुमान :

२०७८ जेठ १५ गते (शनिबार)

देशभर आंशिक देखि सामान्य बदली रही केही स्थानहरूमा मेघगर्जन, चट्याङ्ग र हावाहुरी सहित हल्का देखि मध्यम वर्षा को सम्भावना रहेको छ। प्रदेश २, बागमती,गण्डकी र लुम्बिनी प्रदेशका केही स्थानहरुमा भारी वर्षाको सम्भावना रहेको छ।

राती देशभर आंशिक देखि सामान्य बदली रही थोरै स्थानहरूमा मेघगर्जन, चट्याङ्ग र हावाहुरी सहित हल्का देखि मध्यम वर्षा को सम्भावना रहेको छ। लुम्बिनी प्रदेशका १ र २ स्थानहरुमा भारी वर्षाको सम्भावना रहेको छ।

२०७८ जेठ १६ गते (आइतबार)

देशभर आंशिक देखि सामान्य बदली रही पहाडी भू-भागका थोरै स्थानहरूमा मेघगर्जन, चट्याङ्ग र हावाहुरी सहित हल्का देखि मध्यम वर्षा को सम्भावना रहेको छ। प्रदेश १, प्रदेश २, बागमती र लुम्बिनी प्रदेशका १ र २ स्थानहरुमा भारी वर्षाको सम्भावना रहेको छ।

आईबार राति देशभर आंशिक देखि सामान्य बदली रही प्रदेश १, प्रदेश २, बागमती प्रदेशका केही स्थानहरूमा मेघगर्जन, चट्याङ्ग रहावाहुरी सहित हल्का देखि मध्यम वर्षा को सम्भावना रहेको छ। प्रदेश १ र प्रदेश २ का १ र २ स्थानहरुमा भारी वर्षाको सम्भावना रहेको छ।

२०७८ जेठ १७ गते (सोमबार)

देशभर आंशिक देखि सामान्य बदली रही प्रदेश १, प्रदेश २, बागमती र गण्डकी प्रदेशका थोरै स्थानहरूमा मेघगर्जन, चट्याङ्ग रहावाहुरी सहित हल्का देखि मध्यम वर्षा को सम्भावना रहेको छ। बागमती र प्रदेशका १ का १ र २ स्थानहरुमा भारी वर्षाको समेत सम्भावना रहेको छ।