इजरायलमा यहुदी पर्वका क्रममा भागदौड मच्चिँदा ३८ को मृत्यु

इजरायलमा हासिडिक यहुदी पर्वका बेला भएको भागदौडमा परी कम्तीमा ३८ जनाको ज्यान गएको छ ।

बीबीसीले जनाएअनुसार यहुदी पर्व मनाउन भेला भएका दशौँ हजार मानिसबीच भागदौड मच्चिँदा उनीहरुको ज्यान गएको हो ।

उत्तरी इजरायलस्थित माउन्ट मेरोनको फेदीमा दशौँ हजार मानिस यहुदी पर्व मनाउन भेला भएका थिए। आपत्कालीन सेवा प्रदायकहरूले घटनास्थलमा घाइतेहरूको उपचार गरिरहेका छन्।

तर धेरै भिड भएकाले उद्धार कार्यमा कठिनाइ भएको उनीहरूले बताएका छन्। वार्षिक हुने उक्त पर्व गत वर्ष भने कोरोनाभाइरस महामारीका कारण रोकिएको थियो।

यसपालि पनि धेरै भिडले गर्दा थप महामारी हुने हो कि भन्ने चिन्ताहरू व्यक्त गरिएको थियो।