न्यायालय माथि दबाब दिनेहरू लोकतन्त्रवादी हुनै सक्दैनन् : प्रभु साह

नेपाल कम्युनिष्ट पार्टीका नेता एवम् शहरी विकास मन्त्री प्रभु साहले न्यायालयमाथि दबाब दिनेहरू लोकतन्त्रवादी हुन नसक्ने बताएका छन् ।

आइतबार रौतहटको गुजरा नगरपालिका-९, सिम्रा भवानीपुरमा आयोजित नगरस्तरीय कार्यकर्ता भेलालाई सम्बोधन गर्दै नेकपा प्रदेश २ का अध्यक्ष समेत रहेका नेता साहले माधव नेपाल र प्रचण्डको समुहले आफैले बनाएको संविधानलाई समेत नमानेको टिप्पणी गरे । प्रचण्ड र माधव नेपालले नै बनाएको संविधानको व्याख्याको विषयमा जटिल कानुनी प्रश्न उठेमा त्यसको न्याय निरूपण संवैधानिक इजलासबाट गर्ने भनी स्पष्ट व्यवस्था रहेपनि अदालतमा विचाराधीन मुद्दाको बारेमा टिप्पणी गरेर न्यायालयमाथि दबाब दिइएको भन्दै नेता साहले आपत्ति जनाए ।

उनले माधव-प्रचण्डले आफ्नै पार्टीभित्र अन्तरघात गर्ने, आफ्नै पार्टीको सरकार विरुद्ध षडयन्त्र गर्ने, संसदलाई बन्धक बनाउने जस्ता जालझेल गर्दै अहिले न्यायालयलाई निशाना बनाइरहेको बताए । स्वतन्त्र न्यायालयमाथि माधव-प्रचण्डले निरन्तर दबाब दिएर लोकतन्त्रविरुद्ध षड्यन्त्र गरेको नेता साहको भनाई छ ।

“अहिले तपाईहरु देख्दै हुनुहुन्छ, संसद विघटनको मुद्दा सम्मानित सर्वोच्च अदालतमा विचाराधीन छ । तर केही नेताहरुको झुन्डले आफ्नो पक्षमा फैसला गर्न सडकमा आन्दोलनरत छ ।” नेता साहले भने, “ती नेताहरु अरु कोही होइनन्, वर्तमान संविधानका निर्माताहरु हुन् । संविधानको विषयमा कुनै पनि कुरा उठे त्यसको न्याय निरुपण संवैधानिक इजलासले गर्ने भनी संविधानमा व्यवस्था गर्ने यीनै प्रचण्ड र माधव नेपालहरु हुन् ।”

“आज आफ्नो पक्षमा निर्णय भएन भनेर देशमा कयामत ल्याउछु भनेर अदालतलाई धम्क्याउनेहरु पनि यीनै हुन् । के यसरी स्वतन्त्र अदालतलाई दबाब दिन मिल्छ ? कि त भन्नुपर्यो अदालतमाथि विश्वास छैन, कि त भन्नुपर्यो आफैले बनाएको संविधान मान्दिन ।” नेता साहले थपे, “यो सिधा सिधा लोकतन्त्र माथिको हमला हो । संघीय लोकतान्त्रिक गणतन्त्र सिध्याउने षडयन्त्र हो । यस्ता अन्तरघातीहरुबाट देशलाई जोगाउन जरुरी छ ।”

गुजरा नगर कमिटीद्वारा आयोजित उक्त कार्यक्रममा निवर्तमान सांसद समिना हुसेन, प्रदेश सांसद कुन्दन कुश्वाहा, नेताहरु मनोज यादव, त्रिभुवन साहलगायतको उपस्तिथि रहेको थियो ।

नागरिकत्ता अध्यादेश कार्यान्वयन नगर्नु भनेर फैसला गर्ने न्यायाधीशमाथि महाअभियोग लगाउँन नेता प्रभु साहको माग

निवर्तमान शहरी विकास मन्त्री प्रभु साहले नेपाल नागरिकता (पहिलो संसोधन) अध्यादेश, २०७८ लाई तत्काल कार्यान्वयन नगर्नु नगराउनु भनि अन्तरिम आदेश दिने न्यायाधीशहरु माथि महाअभियोग लगाउँनुपर्ने

प्रभु साहले भने नागरिकता अध्यादेश २०७८, प्रमाणीकरण भएकोमा आफू असाध्यै खुशी

निवर्तमान शहरी विकास मन्त्री एवं नेता प्रभु साहले नेपाली नागरिकता (पहिलो संशोधन ) अध्यादेश २०७८, प्रमाणीकरण भएकोमा आफू असाध्यै खुशी भएको बताएका छन् । आइतबार

अखिल क्रान्तिकारीले आयोजना गरेको रक्तदान कार्यक्रममा २६ जनाले गरे रक्तदान

नेपाल कम्युनिष्ट पार्टी (माओवादी केन्द्र) निकटको अखिल (क्रान्तिकारी) ले आज आयोजना गरेको रक्तदान कार्यक्रममा २६ जनाले रक्तदान गरेका छन् । पार्टी केन्द्रीय कार्यालय पेरिसडाँडामा स्वास्थ्य

गलत संवैधानिक प्रावधानले गर्दा मुलुक संकटग्रस्त: मन्त्री साह

शहरी विकास मन्त्री प्रभु साहले गलत संवैधानिक प्रावधानले नै गर्दा मुलुक संकटग्रस्त बन्दै गएको बताएका छन् । नेपाल टेलिभिजनमा एक अन्तर्वार्ताको क्रममा मन्त्री साहले हठपूर्वक